Transcription
1
Monsieur, désirant scavoir de vous nouvelles et bonne santé,
2
me suys pancé de mander mon lacquey, présent porteur,
3
tant pour scavoir sy en quelque fasson vous puys
4
faire service pour recepvoir de vous tel comandement
5
que vous plairra me comander, ou auprès de vous,
6
comme je désire, sy les occasions se présantent,
7
ou allieurs, là où il vous plairra m’honorer
8
de vousdits comendementz ; et aussy pour vous dire
9
que, en ce lieu d’Orpiarre, toutes choses y sont
10
conduictes avec telle modestie que, loué soit Dieu,
11
toutes choses y vont bien. Quant aux autres
12
affaires, despuys quatre jours en sà, le
13
seigneur de Montbrun n’avoit faict nul semblant
14
par apparence, comme il a faict de présant,
15
car, en sa mayson, il y a plus de six ou sept
16
vingtz homes, tant de pied que de cheval,
17
et suys bien adverty il s’appreste, ou pour
18
aller à Nismes, ou pour se retirer à Genève.
19
Il a vendeu tous ses bledz, une grand partye
20
de son bestail, l’autre partye il faict manger
21
aux soldatz qu’il a avec soy. Il a aussy
22
arrenté en argent son vingtain pour cinq ans.
23
Il a vendu aussy quelques prés et terres.
24
Ilz font asture garde en sa mayson, que
25
n’estoit de costume, aulmoings au descouvert,
26
et y a cappitaine que comande à ses gentz de
27
pied. Ceulx que sortent aussy de sa mayson
28
[v] portent pistolés et arquebuses, ce qu’ilz n’avoient encore
29
faict.Ses jours aussy, un cappitaine Ferrier, qu’est
30
ordinairement avecques luy, n’a faict que marcher
31
jour et nuict. Quant à nous huguenaudz de pour
32
icy, ilz ne mènent pas grand bruict et s’en
33
catholize tousjour quelcung. Qu’est tout ce que
34
vous puys escripre par le présent, vous
35
présantant mes très humbles, pryant Nostre
36
Seigneur,
37
Monsieur, vous doner en prospérité, longue et heureuse
38
vye. De votre mayson d’Orpiarre, ce XXVI octobre.
39
Vostre bien humble, prest à vous
40
faire service.
41
Ville Franche
42
Je vous mande une lettre
43
que ung de Trescleux a escript à Piarre Reynaud ;
44
vous verrés de quelz termes ledit Ferrier
45
a usé.
46